W. S. Jones
Dramodydd ac awdur o Gymru oedd William Samuel Jones, a ysgrifennodd dan y ffugenw W.S. Jones neu Wil Sam (28 Mai 1920 – 15 Tachwedd 2007). Roedd yn fwyaf adnabyddus fel creawdwr Ifas y Tryc.
| W. S. Jones | |
|---|---|
.jpg) Clawr un o lyfrau Wil Sam. | |
| Ffugenw | Wil Sam |
| Ganwyd | 28 Mai 1920  Llanystumdwy |
| Bu farw | 15 Tachwedd 2007 Bangor |
| Dinasyddiaeth | y Deyrnas Unedig, Cymru |
| Galwedigaeth | dramodydd |
| Cysylltir gyda | Theatr y Gegin |
Bywyd a gwaith
golyguGaned ef yn Llanystumdwy, a bu'n byw yn Eifionydd ar hyd ei oes. Bu’n gweithio fel peiriannydd cyn agor modurdy ei hun yn Llanystumdwy. Gwerthodd y modurdy yn 1960 er mwyn canolbwyntio ar ysgrifennu. Dechreuodd ysgrifennu yn ddyn ifanc, ac yn ddiweddarach ysgrifennodd ddramâu i’w perfformio yn Theatr Fach y Gegin, Cricieth. Pan ddaeth Theatr y Gegin i ben ym 1976, dechreuodd ysgrifennu ar gyfer radio a theledu, a chyn hir daeth yn awdur llawn amser. Daeth i amlygrwydd cenedlaethol fel creawdwr Ifans y Tryc, a chwaraeid gan yr actor Stewart Jones.[1]
Bywyd personol
golyguYn 1953 priododd Dora Ann Jones (16 Mawrth 1928 - 29 Mawrth 2023)[2] a mynd i fyw i'r Crown (hen dafarn gynt). Cawsant ddwy ferch, Mair ac Elin.[3] Mae'n frawd i'r arlunydd a llenor Elis Gwyn Jones.
Bu farw Wil Sam yn 87 oed ym Mangor ar y 15 Tachwedd 2007. Cafwyd Gwasanaeth Coffa yng nghapel Moreia, Llanystumdwy ac fe'i gladdwyd ym Mynwent Newydd Llanystumdwy ar 21 Tachwedd 2007.[4]
Gyrfa
golyguTheatr
golyguMae ei ddramâu ar gyfer y theatr yn cynnwys
- Y Gŵr Diarth (1957)
- Y Dyn Codi Pwysau (1960)
- Dalar Deg (1962)
- Tŷ Clap (1965)
- Dau Frawd (1965)
- Y Fainc (1967)
- Tro Crwn (1968)
- Dafydd y Garreg (1968)
- Y Wraig (1968)
- Dinas Barhaus (1968)
- Mae Rhywbeth Bach (1969)
- Seimon y Swynwr (1969)
- Pa John?
- Y Sul Hwnnw (1981)
- Ifas y Tryc (1983)
- Ifas Eto Fyth! (1987)
- Bobi a Sami (1988)
- Llifeiriau (1997)
- Ben Set (2002).
Teledu a Radio
golyguCafodd ei waith ei ddarlledu ar deledu cynnar y BBC ac ar y radio. Mae'r dramâu, ffilmiau a chyfresi yn cynnwys:
- I Bant y Bwgan (1956)
- Y Dyn Swllt (1958) fel drama radio
- Y Dyn Codi Pwysau (1960) fel drama deledu
- Y Gadair Olwyn (1961) fel drama deledu
- Y Dyn Swllt (1963) fel drama deledu
- Seimon y Swynwr (17 Medi 1971) BBC One cast David Lyn, Beryl Williams a Maureen Rhys [5]
- Bobi a Sami (1980) fel drama radio
- Sgid Hwch (1992) ffilm.
Nofelau
golyguDyn y Mynci (1979)
Llyfryddiaeth
golygu-
Clawr ei gofiant. -
Cyfrol deyrnged hon i W. S. Jones
.jpg)
.jpg)
- Tair Drama Fer (1962) - un drama o'i eiddo sef Dalar Deg (1962) o fewn y gyfrol.
- Pum Drama Fer (1963) [Y Dyn Swllt (1958); I Blant y Bwgan (1956); Y Gŵr Diarth (1957); Y Dyn Codi Pwysau (1960) ac Y Gadair Olwyn (1961) ]
- Dinas Barhaus a tair drama arall (1968) [Dinas Barhaus (1968); Dafydd y Garreg (1968); Y Wraig (1968); Tro Crwn (1968)]
- Deg Drama Wil Sam (1995) [Tro Crwn (1968); Y Dyn Swllt (1963); Dinas Barhaus (1968); Bobi a Sami (1988); Y Wraig (1968); Seimon y Swynwr (1969); Y Fainc (1967); Dalar Deg (1963); Pa John? (?); Y Sul Hwnnw (1981)]
- Y Toblarôn (1975) - darlith
- Rhigymau Wil Sam (2005)
- Mân Bethau Hwylus: Cymeriadau Eifionydd (2005)
- Newyddion y Ffoltia Mawr (2005)
Astudiaeth
golygu- W. S. Jones, Wil Sam, gol. Gwenno Hywyn, Cyfres y Cewri 5 (Caernarfon: Gwasg Gwynedd, 1985)
Cyfeiriadau
golygu- ↑ "Wil Sam: Cofio awdur, mecanic a thaid". BBC Cymru Fyw. 2020-05-28. Cyrchwyd 2023-10-29.
- ↑ "Instagram". www.instagram.com. Cyrchwyd 2023-10-29.
- ↑ "Click here to view the tribute page for Dora Ann JONES". funeral-notices.co.uk (yn Saesneg). Cyrchwyd 2023-10-29.
- ↑ Owen, John (2015-02-05). "JONES, WILLIAM SAMUEL (Wil Sam) (1920-2007), dramodydd". Bywgraffiadur Cymru. Cyrchwyd 2023-10-29.
- ↑ "CLIP Cymru". clip.library.wales. Cyrchwyd 2024-10-08.