Agor y brif ddewislen

Mae Delta yn fwrdeistref yn Swydd York, Pennsylvania, yn yr Unol Daleithiau, ac yn un o gymunedau mwyaf deheuol ym Mhennsylvania. Mae'n ffinio â Cardiff, Maryland sydd i'r de iddi. Roedd y boblogaeth yn 728 yn ôl cyfrifiad 2010.[1]

HanesGolygu

Lleolir Delta yng nghanol Rhanbarth Llechi Peach Bottom. Agorwyd chwareli llechi yn Delta yn y 1840au, wrth i chwarelwyr gyrraedd o Gymru. Yn Arddangosfa Crystal Palace 1850, barnwyd mai llechi Peach Bottom oedd y gorau yn y byd. Mae'r rhan fwyaf o dai Delta yn dal i fod a thoeau llechi, ac mae gweddillion y palmentydd llechi glas-ddu gwreiddiol yn dal i fodoli ar draws y fwrdeistref .

Daeth Rheilffordd Peach Bottom i Delta yn 1876, gan gludo llechi ar hyd ei llinell i Red Lion a York. O'r de cyrhaeddodd y Maryland Central Railroad yn Delta yn 1883 a dechreuodd trenau redeg o Delta i Bel Air, Maryland a Baltimore yn 1884. Cafodd y ddwy linell eu holynu yn ddiweddarach gan y Maryland and Pennsylvania Railroad, a oedd yn weithredol tan 1978. Roedd y chwarel lechi yn gwsmer pwysig i’r gwasanaeth cludo nwyddau hyd at 1971.

Ardal HanesyddolGolygu

Rhestrwyd Ardal Hanesyddol Delta ar y Gofrestr Genedlaethol o Safleodd Hanesyddol yn 1983.

Cysylltiad â ChymruGolygu

 
Capel Cymraeg Rehoboth

Capel RehobothGolygu

Mae Capel Cymraeg Rehoboth yn Delta yn eglwys Gristnogol anenwadol sy'n cynnal gwasanaethau yn y Gymraeg a'r Saesneg.[2] Cynhelir gwersi Cymraeg gan y capel.[3] Mae ei chôr Cymraeg wedi ennill gwobr wrth gystadlu yn Eisteddfod Genedlaethol Cymru.

Mynwent SlatevilleGolygu

Ym mynwent Eglwys Brebysteriadd Slatville, sydd i'r gogledd ddwyrain o Delta, fe gladdwyd nifer o'r mewnfydwyr o Gymru gyda nifer o cerrig beddau gyda'r Gymraeg arnynt yn unig.[4] Mae'r enwau lleodd canlynol o Gymru yn ymddangos arnynt: Bangor, Beddgelert, Bethesda, Blaenau Ffestiniog, Bryncrug, Caernarfon, Clwt y Bont, Coed Mawr, Corris, Ogwen, Dinorwig, Dowlais, Ebenezer, Ffestiniog, Llanllechid, Llanberis, Llanddeiniolen, Llanrug, Pennal, Penrhyndeudraeth, Pentrefoelas, Sir Gaerfyrddin, Tyn y Maes, Waunfawr, Bwlch Uchaf, Nant Uchaf a Nant y Graean.

 
Un o fythynod chwarelwyr Coulsontown

Bythynnod chwarelwyr CoulsontownGolygu

Tua tri chwarter milltir i'r dwyrain o Delta ceir Coulsontown, lle saif pedwar bwthyn sydd wedi eu hadeiladu yn arddull bythynnod chwarelwyr a geir yng Nghymru.[5] Yn 2006 fe brynwyd dau ohonynt gan yr Old Line Museum ac mae'nt yn cael eu hadfer i'w cyflwr gwreiddiol ac ar agor i'r cyhoedd.[6]

Mae gan Gomin Wikimedia
gyfryngau sy'n berthnasol i:


Gweler hefydGolygu

Dolenni allanolGolygu

CyfeiriadauGolygu

  1. "Race, Hispanic or Latino, Age, and Housing Occupancy: 2010 Census Redistricting Data (Public Law 94-171) Summary File (QT-PL), Delta borough, Pennsylvania". U.S. Census Bureau, American FactFinder 2. Cyrchwyd 26 Tachwedd 2013.
  2. Rehoboth Welsh Chapel ar wefan Delta Welsh Heritage
  3. Gwefan Capel Rehoboth
  4. Slateville Cemetery ar wefan Delta Welsh Heritage
  5. ""National Historic Landmarks & National Register of Historic Places in Pennsylvania"" (Searchable database). CRGIS: Cultural Resources Geographic Information System. Note: This includes Thomas L. Schaefer and Jay R. Barshinger (June 1984). "National Register of Historic Places Inventory Nomination Form: Coulsontown Cottages Historic District" (PDF). Cyrchwyd 2011-12-21.
  6. Quarrymen's Cottages ar wefan Delta Welsh Heritage