Gareth Evans (codi pwysau)
Codwr pwysau o Gymru ydy Gareth Irfon Evans (ganed 18 Ebrill 1986) sydd wedi cynrychioli Cymru yng Ngemau'r Gymanwlad a Phrydain Fawr yn y Gemau Olympaidd. Llwyddodd i ennill medaul aur y Codi Pwysau categori 69 kg yng Ngemau'r Gymanwlad 2018 ar yr Arfordir Aur, Awstralia[1].
| Gareth Evans | |
|---|---|
| Ganwyd | 18 Ebrill 1986  Dundee |
| Man preswyl | Caergybi |
| Dinasyddiaeth | y Deyrnas Unedig |
| Galwedigaeth | codwr pwysau |
| Taldra | 169 centimetr |
| Pwysau | 68 cilogram |
| Chwaraeon | |
Gyrfa codi pwysau
golyguDechreuodd Evans godi pwysau pan yn 12 mlwydd oed ar ôl ymuno â chlwb Codi Pwysau Caergybi lle cyfarfodd â'i hyfforddwr Ray Williams enillodd fedal aur dros Gymru yng Ngemau'r Gymanwlad 1986 yng Nghaeredin.[2].
Cynrychiolydd Prydain Fawr ym Mhencampwriaethau Codi Pwysau Ewrop ym Minsk, Belarws yn 2010 yn y categori dan 62 kg gan orffen yn 13eg[3] cyn cystadlu yn fest coch Cymru yng Ngemau'r Gymanwlad 2010 yn Delhi Newydd lle gorffennodd yn y 12fed safle[4].
Camodd i'r categori 69 kg ar gyfer Pencampwriaethau'r Byd ym Mharis yn 2011 a cafodd ei ddewis yn nhîm Prydain Fawr ar gyfer Gemau Olympaidd 2012 yn Llundain, Lloegr[2] lle gorffennodd yn 17eg[5].
Yn 2014 cymerodd ran yng Ngemau'r Gymanwlad yn Glasgow, Yr Alban yn y categori 62 kg cyn camu yn ôl i'r categori 69g ar gyfer y tymor canlynol. Yn 2015 llwyddodd i dorri record Prydain yn y cipiad, pont a hwb a'r record cyfanswm yn ystod Pencampwriaethau Ynysoedd Prydain[6] ond er gwaethaf ei gampau, ni chafodd ei ddewis ar gyfer Gemau Olympaidd 2018 yn Rio de Janeiro, Brasil.
Llwyddodd i gipio'r fedal aur yng Ngemau'r Gymanwlad ar yr Arfordir Aur, Awstralia yn 2018[7] Dyma oedd y fedal aur cyntaf i Gymru yn ystod y Gemau.[8].
Cyfeiriadau
golygu- ↑ "Medal aur gyntaf Cymru i'r codwr pwysau Gareth Evans". BBC Cymru Fyw. 2018-04-06.
- ↑ 2.0 2.1 "Weightlifting: Gareth Evans says he owes his Olympic call-up to Holyhead Weightlifting Club". Daily Post. 2012-06-13.
- ↑ "Europe 2010 under 62kg".
- ↑ "2010 Weightlifting Results" (PDF) (PDF). Commonwealth Weightlifting. Archifwyd o'r gwreiddiol (PDF) ar 2013-12-04. Cyrchwyd 2018-04-06.
- ↑ "Weightlifitng results 69kg men". Olympic.org.
- ↑ "2015 British Weightlifting & Para-Powerlifting Championships review". British Weightlifting. 2015-06-30. Archifwyd o'r gwreiddiol ar 2016-08-05. Cyrchwyd 2018-04-06.
- ↑ "Commonwealth Games: Welsh weightlifter Gareth Evans wins -69kg gold". BBC Sport. 2018-04-06.
- ↑ "Weightlifter Gareth Evans is the first competitor to win a gold medal for Wales in the Commonwealth Games". ITV News. 2018-04-06.