Glyder Fach

Mynydd yn Eryri yw'r Glyder Fach; yr ail uchaf yn y Glyderau.

Glyder Fach

Math	mynydd, copa
Daearyddiaeth
Sir	Conwy
Gwlad	Cymru
Uwch y môr	994 metr
Cyfesurynnau	53.10482°N 4.00841°W
Cod OS	SH6564658289
Manylion
Amlygrwydd	74.5 metr
Rhiant gopa	Glyder Fawr
Cadwyn fynydd	Glyderau
Ffeiliau perthnasol ar Comin

Enw

Yn ôl Syr Ifor Williams, "Gludair" oedd y ffurf gywir ar yr enw. Aeth yn "Glydar" yn nhafodiaith Arfon, yna'n "Glyder". Yr ystyr yw "cruglwyth o gerrig".

Daearyddiaeth

Saif y copa rhyw 5m yn is na'r Glyder Fawr. Saif i'r dwyrain o'r Glyder Fawr ac i'r de o gopa Tryfan. Islaw'r copa tua'r gogledd mae Llyn Bochlwyd. Mae'n gorwedd yn Sir Conwy er 1996.

Mae'r copa ei hun, a'r holl ardal o'i gwmpas, yn greigiog dros ben, â ffurfiadau nodedig y creigiau gan gynnwys Castell y Gwynt a Charreg y Gwyliwr.

Llwybrau

Gellir ei ddringo o Gwm Idwal, un ai trwy ddilyn y llwybr heibio'r Twll Du i gopa'r Glyder Fawr ac yna ymlaen i gopa'r Glyder Fach dros Fwlch y Ddwy Glyder, neu anelu am Fwlch Tryfan a throi i'r de am y Glyder Fach. Mae'r llwybr syth o Fwlch Tryfan i'r copa yn dilyn crib a enwyd yn y Grib Bigog neu Bristly Ridge, ac yn llwybr llawer anoddach, ond ceir ymuno â'r llwybr haws sy'n arwain at y copa o'r dwyrain oddi ar y Foel Goch. Gellir hefyd ei ddringo o'r de, o Pen-y-Pass. Mae rhai o glogwyni'r Glyder Fach yn gyrchfan boblogaidd iawn i ddringwyr.

Oriel luniau

• 
• 
• 
  Castell y Gwynt
• 
  Carreg y Gwyliwr
• 
  Casgliad o gerrig ger copa'r Glyder Fach
• 
  Copa'r Glyder Fach
• 
  Casgliad o gerrig ger copa'r Glyder Fach
• 
  Nant Ffrancon o'r Glyder Fach
• 
  Tryfan gyda Llyn Ogwen oddi tano; tynnwyd o'r Glyder Fawr

Ffilm

Ymddangosodd "Castell y Gwynt" a "Charreg y Gwyliwr" mewn ffilm gan Walt Disney ym 1981: Dragonslayer.

Cyfeiriadau

Comin Wikimedia

Mae gan Gomin Wikimedia
gyfryngau sy'n berthnasol i:

Glyder Fach