Rhys Gwynfor
Cyfansoddwr a pherfformiwr cerddoriaeth pop Cymraeg yw Rhys Gwynfor. Enillodd Cân i Gymru 2013 gyda'i gân "Mynd i Gorwen hefo Alys". Ers hynny, mae wedi rhyddhau sawl cân boblogaidd gan gynnwys "Bydd Wych". Mae'n hannu o ardal Corwen a mynychodd Ysgol y Berwyn, y Bala.
| Rhys Gwynfor | |
|---|---|
| Dinasyddiaeth |  Cymru |
| Galwedigaeth | canwr-gyfansoddwr  |
Gyrfa Gerddorol
golyguRhys oedd canwr Jessop a’r Sgweiri – enillwyr Cân i Gymru 2013 gyda "Mynd i Gorwen Hefo Alys". Roedd aelodau eraill y grŵp yn cynnwys Osian o’r Candelas a Branwen o Cowbois Rhos Botwnnog. Ers hynny, bu Rhys yn canolbwyntio ar ei gerddoriaeth ei hun.
Arwr cerddorol Rhys ydy Freddie Mercury a Queen, ac mae Rhys yn dweud bod dylanwad Freddie yn gryf ar ei gerddoriaeth a’i berfformiadau. Recordiodd Iwan Huws o Cowbois Rhos Botwnnog ac yntau fersiwn o "It’s a Hard Life" gan Queen.
Cân yr Wythnos Radio Cymru
golyguDewiswyd ei gân, "Cwmni Gwell" ar gyfer slot 'Cân yr Wythnos' ar Radio Cymru.[1] Recordiwyd y gân fel rhan o sesiwn i raglen Lisa Gwilym ar C2. Cynhyrchydd 'Cwmni Gwell' a 'Rhwng Dau Fyd' gan Robin Llwyd Jones o’r grŵp, Y Bandana, gydag Ifan Jones aelod o’r Candelas yn gyfrifol am y gân arall, "Nofio". Mae tair cân y sesiwn ar wefan C2.[2] .
Labeli Recordio
golyguRecordiodd rhai caneuon fel rhan o 'Sesiynau Stiwdio Sain'. Aeth cryn dipyn o amser heibio cyn iddo wneud dim arall yn gerddorol nes iddo recordio caneuon gyda Recordiau Côsh.[3]
Caneuon
golyguYmhlith caneuon mwyaf adnabyddus Rhys mae "Bydd Wych" a dyma'i gân fwyaf boblogaidd o ran gwrandawiadau, ac erbyn Medi 2021, roedd y gân wedi derbyn dros 60,000 ffrydiad ar Spotify a thros 50,000 gwyliad ar Youtube[4] erbyn Medi 2021. Cân "Canolfan Arddio" oedd yr ail gân fwyaf boblogaidd ganddo o ran ffrydio gyda dros 30,000 ffrydiad erbyn Medi 2021.[5] Bu i Rhys hefyd recordio fersiwn o "Bydd Wych" gyda Lisa Angharad o'r triawd, Sorela ar gyfer cyfres Dechrau Canu Dechrau Canmol ar S4C.[6] Ym mis Rhagfyr 2020 rhyddhaodd gân Nadoligaidd, "Mae 'ne rhywbeth am y 'Dolig" gydag Osian Huw Williams (Osian Candelas).[7]
Bydd Wych gan y Ffermwyr Ifainc
golyguYn 2020 recordiodd aelodaeu Mudiad Ffermwyr Ifanc ei fersiwn hwy o 'Bydd Wych' fel rhan o ddathliadau Dydd Miwsig Cymru a hefyd i godi ymwybyddiaeth o anhwylderau iechyd meddwl.[8] Arianwyd y prosiect gan Ddydd Miwsig Cymru (Llywodraeth Cymru) a chyfarwyddwyd y gân gan Lisa Angharad (cariad Rhys) a recordio yn Stiwdio Drwm, Llanllyfni. Rhyddhawyd y gân gan Recordiau Côsh a bu i'r gân yn 'Trac yr Wythnos' ar Radio Cymru a'i chwarae am y tro cyntaf yno.
Dwylo Dros y Môr
golyguAr ddiwedd 2020 rhyddhawyd fersiwn newydd o'r gân "Dwylo Dros y Môr", cân a ryddhawyd yn wreiddiol yn 1985 i godi arian i ddioddefwyr newin Ethiopia y flwyddyn honno.[9] Roedd yr elw yn 2020 yn mynd tuag at Sefydliad Cymunedol Cymru.[10] Fel y fersiwn wreiddiol o'r gân, oedd yn cynnwys cantorion adnabyddus yr 1980au, roedd fersiwn 2020 yn cynnwys enwogion Sîn Roc Gymraeg y cyfnod megis: Elin Fflur, Alys Williams, Ifan Pritchard (Gwilym), Heledd Watkins (HMS Morris), Sorela, Adwaith, Casi Wyn, Glain Rhys, Gwilym Bowen Rhys, Kizzy Crawford, Ffion Emyr.
Dolenni
golyguCyferiadau
golygu- ↑ https://www.bbc.co.uk/programmes/profiles/5My0QFkkCy92rrVFrkNdjKg/trac-yr-wythnos-rhys-gwynfor-cwmni-gwell
- ↑ https://www.bbc.co.uk/programmes/b06hb0t8
- ↑ https://www.rcoshr.com/rhys-gwynfor
- ↑ https://www.youtube.com/watch?v=8pyQtR-wT4A
- ↑ https://open.spotify.com/artist/2fuz5JtaLHOmvjvFEpeYm2
- ↑ https://www.youtube.com/watch?v=FAIKVI9NRCI
- ↑ https://selar.cymru/2020/sengl-nadolig-osian-candelas-a-rhys-gwynfor/
- ↑ https://www.youtube.com/watch?v=0QIm5dqvXH0
- ↑ https://www.youtube.com/watch?v=rGOFjK0zaoI
- ↑ https://www.youtube.com/watch?v=rGOFjK0zaoI