Wicipedia

Elinor Barker

seiclwraig o Gymru

Beiciwr o Gaerdydd ydy Elinor Jane Barker (ganwyd 7 Medi 1994), sy'n aelod o 'Feicio Cymru' a 'Phrydain', ac ar y ffordd, mae'n aelod o Wiggle High5. Arferai reidio ar y ffordd dros Matrix Fitness Pro Cycling. Mae Barker wedi ennill Pencampwriaeth Ras Ymlid y Byd ddwywaith yn ogystal â medal aur yn yr un gamp yng Ngemau Olympaidd yr Haf yn 2016. Enillodd y tîm ras ymlid Prydain Fawr fedal arian yng Ngemau Olympaidd 2020. Fe'u curwyd gan yr Almaen, a dorrodd record y byd.[3]

Elinor Barker
Gwybodaeth bersonol
Enw llawnElinor Jane Barker
Ganwyd (1994-09-07) 7 Medi 1994 (30 oed)
Caerdydd, Cymru
Taldra1.63 m (5 tr 4 mod)[1]
Pwysau56 kg (123 lb; 8.8 st)[1]
Gwybodaeth tîm
Tim presennolTeam USN / Matrix Fitness Pro Cycling
DisgyblaethTrac a ffordd
RôlReidiwr
Math reidiwrRas ymlid/Treialon amser
Tîm(au) amatur
2005–2007Maindy Flyers
2008Kidney Wales For Escentual
2009–2011Cardiff Ajax
2012Scott Contessa Epic RT[2]
Tîm(au) proffesiynol
2013–2014Wiggle-Honda
2015–Matrix Fitness Pro Cycling
Record medalau
Yn cynrychioli  Y Deyrnas Unedig
Gemau Olympaidd
Gold medal – first place 2016 Rio de Janeiro Ras ymlid
Pencampwriaeth Byd
Gold medal – first place Minsk 2013 Ras ymlid tîm
Gold medal – first place Cali 2014 Ras ymlid tîm
Gold medal – first place Hong Cong 2017 Ras bwyntiau
Silver medal – second place Yvelines 2015 Ras ymlid tîm
Silver medal – second place Hong Cong 2017 Ras scratch
Silver medal – second place Hong Cong 2017 Madison
Silver medal – second place Apeldoorn 2018 Ras ymlid tîm
Bronze medal – third place Llundain 2016 Ras ymlid tîm
Pencampwriaeth Ewropeaidd
Gold medal – first place Apeldoorn 2013 Ras ymlid tîm
Gold medal – first place Guadeloupe 2014 Ras ymlid tîm
Gold medal – first place Grenchen 2015 Ras ymlid tîm
Gold medal – first place Berlin 2017 Madison
Silver medal – second place Yvelines 2016 Ras scratch
Silver medal – second place Berlin 2017 Ras ymlid tîm
Yn cynrychioli  Cymru
Gemau'r Gymanwlad
Gold medal – first place Arfordir Aur 2018 Ras bwyntiau
Silver medal – second place Glasgow 2014 Ras bwyntiau
Bronze medal – third place Glasgow 2014 Ras scratch
Diweddarwyd y wybodlen ar
7 Ebrill 2018

Gyrfa

golygu

Magwyd Elinor Barker yn ardal Mynydd Bychan, Caerdydd, yn ferch i Graham Barker, dirprwy bennaeth yn Ysgol Gyfun St Julian, Casnewydd.[4] Mae ei chwaer Megan, sydd dair blynedd yn iau, hefyd yn feicwraig llwyddiannus.[5]

Dechreuodd Barker seiclo gyda'r Maindy Flyers pan oedd yn 10 oed, fel ffordd o osgoi gorfod mynychu dosbarthiadau nofio[4][6]. Mynychodd Ysgol Uwchradd Llanisien ble roedd yn astudio Lefel-A[4] cyn cael ei derbyn yn aelod o Academi Datblygu Olympaidd British Cycling.[5] Wedi iddi ennill y Ras yn erbyn y Cloc ym Mhencampwriaethau Iau y Byd yn 2012 cafodd ei henwebu yn Chwaraewraig Iau y Flwyddyn Carwyn James, yng ngwobrau Personoliaeth Chwaraeon Cymreig y Flwyddyn BBC Cymru[7].

Yn 2013 daeth yn Bencampwr y Byd fel aelod o dîm Ras Ymlid Prydain Fawr ym Mhencampwriaethau Trac y Byd yn Minsk, Belarws gyda Laura Trott a Dani King[8] a llwyddodd i amddiffyn y goron yn Cali, Colombia yn 2014 ynghyd â Laura Trott, Katie Archibald a Joanna Rowsell[8].

Roedd yn aelod o dîm Cymru yng Ngemau'r Gymanwlad 2014 yn Glasgow, Yr Alban gan ennill medal arian yn y Ras bwyntiau ac efydd yn y Ras scratch[9][10].

Yng Ngemau Olympaidd 2016 yn Rio de Janeiro, Brasil enillodd Barker fedal aur fel aelod o dîm ras ymlid Prydain Fawr gyda Joanna Rowsell, Laura Trott a Katie Archibald gyda'r pedwarawd yn llwyddo i dorri y record byd yn y rownd derfynol[11].

Ym Mhencampwriaethau'r Byd yn 2017 casglodd Barker ddwy fedal arian yn y Ras scratch a'r madison, ochr yn ochr ag Emily Nelson[12][13] cyn cipio ei choron unigol cyntaf wrth ennill Pencampwriaeth y Byd yn y Ras bwyntiau[14]

Yn 2018 llwyddodd i ennill fedal aur yn y Ras bwyntiau yng Ngemau'r Gymanwlad ar yr Arfordir Aur, Awstralia[15].

Ennillodd Barker a Neah Evans medal arian yn y ras Madison yng Ngemau Olympaidd yr Haf 2024.[16]

Cyfeiriadau

golygu
  1. ↑ 1.0 1.1 "Elinor Barker: Biography". Glasgow 2014. Archifwyd o'r gwreiddiol ar 2022-09-14. Cyrchwyd 28 Gorffennaf 2014.
  2. ↑ "Individual/Points". British Cycling. Cyrchwyd 23 Ionawr 2013.
  3. ↑ "Olympics: Germany beat Great Britain to win gold in women's team pursuit". Cycling News (yn Saesneg). Cyrchwyd 3 Awst 2021.
  4. ↑ 4.0 4.1 4.2 Simon Gaskell (2012-09-18). "Cycling gold for Elinor Barker at World Road Championships in Holland". Wales Online.
  5. ↑ 5.0 5.1 Chris Sidwells (2012-11-22). "Ride: Elinor Barker in South Wales". Cycling Weekly.
  6. ↑ Alasdair Fotheringham (2012-09-19). "Cycling: Elinor Barker shows next generation is in very safe hands". The Independent. Archifwyd o'r gwreiddiol ar 2012-10-24. Cyrchwyd 2013-01-31.
  7. ↑ Rebecca Ransom (2012-12-11). "Elinor Barker named Carwyn James Iau Sportswoman of the Year". British Cycling.[dolen farw]
  8. ↑ 8.0 8.1 "Women's Team Pursuit" (pdf). no-break space character in |title= at position 8 (help)
  9. ↑ "Commonwealth Games 2014: Olympic champion Geraint Thomas and world sprint star Becky James head up Welsh cycling team for Glasgow". Wales Online. 2014-07-09.
  10. ↑ "Glasgow 2014 day four: Elinor Barker denied gold by Laura Trott"". BBC Sport. 2014-07-27.
  11. ↑ "Wales' Elinor Barker wins gold medal in team pursuit". BBC Sport. 2018-08-14.
  12. ↑ "Track Cycling World Championships: Elinor Barker pipped for gold". BBC Sport. 2017-04-12.
  13. ↑ "Track Cycling Worlds: Elinor Barker & Emily Nelson win madison silver". BBC Sport. 2017-04-15.
  14. ↑ "World Track Cycling Championships: Elinor Barker wins world points race gold". BBC Sport. 2017-04-16.
  15. ↑ "Commonwealth Games: Elinor Barker wins points race gold, Scots complete podium". BBC Sport. 2018-04-07.
  16. ↑ "GB's Barker and Evans win madison silver". BBC Sport (yn Saesneg). Cyrchwyd 9 Awst 2024.

Dolenni allanol

golygu
Wedi dod o "https://cy.wikipedia.org/w/index.php?title=Elinor_Barker&oldid=13304734"