Leanne Wood
Gwleidydd Cymreig a chyn-arweinydd Plaid Cymru yw Leanne Wood, (ganed yn y Rhondda, ar 13 Rhagfyr 1971). Bu'n cynrychioli Plaid Cymru yng Nghynulliad Cenedlaethol Cymru - dros Ranbarth Canol De Cymru rhwng 2003 a 2016 gan gipio sedd y Rhondda yn etholiad y Cynulliad, 2016. Bu'n Weinidog yr Wrthblaid dros Gyfiawnder Cymdeithasol ac Adfywio ac yn llefarydd Plaid Cymru ar Dai ac Adfywio.
| Leanne Wood | |
.jpg)
| |
Arweinydd Plaid Cymru
| |
| Cyfnod yn y swydd 16 Mawrth 2012 – 28 Medi 2018 | |
| Rhagflaenydd | Ieuan Wyn Jones |
|---|---|
| Olynydd | Adam Price |
| Deiliad | |
| Cymryd y swydd 6 Mai 2016 | |
| Rhagflaenydd | Leighton Andrews |
| Cyfnod yn y swydd 1 Mai 2003 – 6 Mai 2016 | |
| Rhagflaenydd | Pauline Jarman |
| Olynydd | Neil McEvoy |
| Geni | 13 Rhagfyr 1971 Rhondda |
| Plaid wleidyddol | Plaid Cymru |
Mae hi'n weriniaethwr ac yn sosialydd o argyhoeddiad ac wrthi ar hyn o bryd yn dysgu Cymraeg. Mae hi hefyd yn un o Is-lywyddion Anrhydeddus Searchlight Cymru.
Gorfodwyd iddi adael siambr y cynulliad ar ôl iddi gyfeirio at frenhines y DU wrth ei henw personol, sef Mrs Windsor, yn hytrach na "The Queen", a hynny oherwydd ei daliadau gwleidyddol fel gweriniaethwraig Gymreig.[1]
Arweinyddiaeth Plaid CymruGolygu
Fe etholwyd Leanne Wood fel arweinydd Plaid Cymru ar Fawrth 15fed 2012, gan guro Dafydd Elis Thomas ac Elin Jones. Seiliwyd ei hymgyrch ar y cysyniad o 'wir annibyniaeth'[2]. Cafwyd her i arweinyddiaeth Leanne Wood yng Nghorffennaf 2018, gyda Rhun ap Iorwerth ac Adam Price yn sefyll i fod yna arweinydd newydd.[3]. Cafwyd ymgyrch etholiadol gan y tri ymgeisydd yn ystod Awst a Medi. Cyhoeddwyd mai Adam Price fyddai'r arweinydd newydd ar 28 Medi 2018. Enillodd Price 3,481 pleidlais yn y rownd gyntaf, gyda ap Iorwerth yn ail gyda 1,961 pleidlais a Wood yn drydydd gyda 1,286. Yn yr ail rownd, cafodd Price 2,863 pleidlais, a derbyniodd ap Iorwerth 1,613 pleidlais.[4]
Dadl deledu, 2015Golygu
Ar yr ail o Ebrill 2015, cymerodd Leanne ran mewn dadl rhwng 7 o wleidyddion ac a ddarlledwyd ar brif sianeli teledu gwledydd Prydain.
CyfeiriadauGolygu
- ↑ BBC News
- ↑ http://cy.leannewood.org
- ↑ Rhun ap Iorwerth ac Adam Price i herio Leanne Wood , BBC Cymru Fyw, 4 Gorffennaf 2018. Cyrchwyd ar 28 Medi 2018.
- ↑ Ethol Adam Price fel arweinydd newydd Plaid Cymru , BBC Cymru Fyw, 28 Medi 2018.
Dolenni allanolGolygu
- Gwefan swyddogol
- (Saesneg) Blog swyddogol
- Twitter swyddogol
- Proffil ar wefan Cynulliad Cenedlaethol Cymru
| Cynulliad Cenedlaethol Cymru | ||
|---|---|---|
| Rhagflaenydd: Leighton Andrews |
Aelod Cynulliad dros Rhondda 2016 – presennol |
Olynydd: deiliad |
| Rhagflaenydd: Pauline Jarman |
Aelod Cynulliad dros Aelod Cynulliad Cenedlaethol Cymru dros Ganol De Cymru 2003 – 2016 |
Olynydd: Neil McEvoy |
| Swyddi gwleidyddol pleidiol | ||
| Rhagflaenydd: Ieuan Wyn Jones |
Arweinydd Plaid Cymru 2012 – 2018 |
Olynydd: Adam Price |