Gwenlyn Parry

dramodydd Cymreig

Dramodydd Cymraeg sy'n adnabyddus am ei dramâu arloesol sy'n perthyn i genre Theatr yr Abswrd oedd Gwenlyn Parry (8 Mehefin 1932 - 5 Tachwedd 1991).[1]

Gwenlyn Parry
Ganwyd 8 Mehefin 1932 Edit this on Wikidata
Deiniolen Edit this on Wikidata
Bu farw 5 Tachwedd 1991 Edit this on Wikidata (59 oed)
Dinasyddiaeth Baner Cymru Cymru
Alma mater
Galwedigaeth sgriptiwr Edit this on Wikidata

BywgraffiadGolygu

Ganwyd William Gwenlyn Parry ym mhentref Deiniolen (neu Llanbabo), Gwynedd. Roedd ei dad, William John Parry, yn chwarelwr yn y chwarel lechi cyfagos yn Dinorwig; roedd ei fam Katie Parry (née Griffiths) yn gweithio am sawl blwyddyn fel nyrs yn ysbyty Eryri yn Nghaernarfon. Roedd ganddo un chwaer, Margaret, oedd yn bum mlynedd yn iau.[1]

Cafodd ei addysg yng Ngholeg y Normal, Bangor. Ar ôl cyfnod yn Llundain lle daeth i adnabod Rhydderch Jones a Ryan Davies a chyfnod fel athro ym Methesda, cafodd swydd fel sgiptiwr gyda BBC Cymru. Ar ôl cyfnod o salwch bu farw yn ardal Caerdydd ar 5 Tachwedd 1991; cafodd ei gladdu ym mynwent Pen-y-groes, Gwynedd.

Ysgrifenodd nifer o benodau i'r gyfres Pobol y Cwm a rhaglenni eraill ar y teledu yn cynnwys Fo a Fe a'r ffilm Grand Slam[2]. Fe'i cofir fel dramodwr yn bennaf am ei ddramâu arloesol o'r 1960au hyd y 1980au. Mae'r rhain yn cynnwys Saer Doliau (1966) ac Y Tŵr (1978). Cryfder y dramâu hyn yw eu cyfuniad o elfen Abswrd, gwrthnaturyddol, a deialog dafodieithol naturiol a chredadwy sy'n creu gwaith arbennig ac unigryw.

Cyfranodd i sgript y ddrama deledu Grand Slam a'r ffilm o Un Nos Ola Leuad (seiliedig ar y nofel o'r un enw gan Caradog Prichard).

Bywyd personolGolygu

Roedd yn briod ddwywaith, yn gyntaf i Joy a roedd ganddynt ddau ferch, Sian Elin (ganwyd 1969) a Catrin Lynwen (ganwyd 1971). Yna fe briododd Ann Beynon a cafodd merch a mab o'i ail briodas.

DramâuGolygu

  • Tair Drama (1965)
  • Y Ddraenen Fach (1961)
  • Poen yn y Bol (1963)
  • Hwyr a Bore (1964)
  • Saer Doliau (1966)
  • Tŷ ar y Tywod (1968)
  • Y Ffin (1973)
  • Y Tŵr (1978)
  • Sál (1982)
  • Panto (1986)

Gweler hefydGolygu

CyfeiriadauGolygu

  1. 1.0 1.1 Llyfr 'The Writers of Wales' gan Roger Owen; JSTOR; Adalwyd 5 Ionawr 2016
  2. Gwenlyn Parry, BBC Cymru Bywyd; Adalwyd 5 Ionawr 2016

Dolenni allanolGolygu