Parc Cenedlaethol Bannau Brycheiniog

Edrych tua'r Dwyrain oddi wrth Fan Hir

Sgwd yr Eira

Mae hon yn erthygl am y parc cenedlaethol. Am y mynyddoedd yr enwir y parc ar eu hôl, gweler Bannau Brycheiniog.

Parc Cenedlaethol yn ne Cymru yw Parc Cenedlaethol Bannau Brycheiniog. Mae'r parc yn gorwedd rhwng trefi Llandeilo, Llanymddyfri, Aberhonddu, Y Gelli, Pont-y-pŵl a Merthyr Tudful. Ffurfiwyd y Parc Cenedlaethol ym 1957.

Canolbwynt y parc yw mynyddoedd uchel Bannau Brycheiniog. Yng ngorllewin y parc mae'r Fforest Fawr a'r Mynydd Du, rhostir eang, ac yn y dwyrain y tu draw i Fannau Brycheiniog mae mynyddoedd o'r un enw, Mynydd Du, ar y ffin â Lloegr.

Yn y parc mae nifer o lwybrau cerdded a lonydd beicio. Mae arwynebedd o 1344 km² ganddo. Gwelir sawl rhaeadr yn y parc, gan gynnwys Sgŵd Henrhyd sydd 27 medr o uchder. Yn ardal Ystradfellte, ceir sawl ogof nodedig, megis Ogof Ffynnon Ddu. Gwelir merlod mynydd Cymreig yn pori yn y parc.

Copaon uchaf

Mynydd Du (Mynwy)

• Mynydd Llysiau

Bannau Brycheiniog

• Pen y Fan (886 m)
• Corn Du (873 m)
• Cribyn (795 m)
• Fan y Bîg (719 m)

Fforest Fawr

• Fan Llia (631 m)
• Moel Feity (591 m)
• Fan Nedd (563 m)

Mynydd Du (Sir Gaerfyrddin)

• Fan Brycheiniog
• Garreg Lwyd (616m)

Llynnoedd

• Llyn y Fan Fach
• Llyn y Fan Fawr
• Llyn Syfaddan
• Llyn Wysg

Panorama 180°: Parc y Deinosoriaid.

Dolen allanol

• Awdurdod y parc cenedlaethol

Gweler hefyd

• Rhestr mynyddoedd Cymru