Cymuned Gwladwriaethau America Ladin a'r Caribî

Cymuned Gwladwriaethau America Ladin a'r Caribî
Enghraifft o'r canlynol	sefydliad rhanbarthol, sefydliad rhynglywodraethol
Dechrau/Sefydlu	23 Chwefror 2010
Lleoliad	Latin America and the Caribbean
Rhagflaenydd	Rio Group, Latin American and Caribbean Summit on Integration and Development
Pencadlys	Caracas
Gwefan	http://sela.org/celac
	Ffeiliau perthnasol ar Gomin Wicimedia

Sefydliad rhyngwladol o genhedloedd America Ladin a'r Caribî yw Cymuned Gwladwriaethau America Ladin a'r Caribî (Sbaeneg: Comunidad de Estados Latinoamericanos y Caribeños, CELAC, Portiwgaleg: Comunidade de Estados Latino-Americanos e Caribenhos, Ffrangeg: Communauté des États Latino-Américains et Caribéens, Iseldireg: Gemeenschap van de Latijns-Amerikaanse en Caribische landen) a grewyd ar 23 Chwefror 2010 yn Playa del Carmen, Quintana Roo, Mecsico.^[1]^[2] Mae'r gymuned yn cynnwys pob gwlad yn yr Amerig—sef cyfandir Gogledd a De America—ar wahân i Unol Daleithiau America a Chanada. Ni chynhwysir ychwaith gwledydd Ewropeaidd sydd â thiriogaethau yn yr Amerig, e.e. y Deyrnas Unedig, Ffrainc, yr Iseldiroedd a Denmarc.

Pwrpas y corff ydy ceisio lleihau dylanwad gwleidyddol yr Unol Daleithiau ar y cyfandir. Mae'n brysur ddisodli Grŵp Rio ac Uwchgynhadledd America Ladin a'r Caribî ar Integreiddio a Datblygu (CALC). Yng Ngorffennaf 2010 etholwyd Arlywydd Feneswela Hugo Chávez ac Arlywydd Tsile Sebastián Piñera ill dau i'r gadair. Ym mis Mehefin 2023, cydnabu CELAC gymeriad America Ladin a Charibïaidd ynys Puerto Rico ac “yn galw ar Gynulliad Cyffredinol y Cenhedloedd Unedig i archwilio cwestiwn Puerto Rico yn ei gyfanrwydd ac yn ei holl agweddau, a rheoli ar y mater hwn cyn gynted ag y bo modd. ag y bo modd”.[1].