Ffair Lyfrau Frankfurt
Ffair Lyfrau Frankfurt [1] neu ceir hefyd Gŵyl Lyfrau Frankfurt (Almaeneg: Frankfurter Buchmesse) yw ffair gyhoeddi fwyaf y byd. Fe'i cynhelir bob blwyddyn am bum niwrnod yng nghanol mis Hydref yn Frankfurt am Main yn yr Almaen ac mae'n dwyn ynghyd tua 300,000 o ymwelwyr ar gyfer 7,000 o arddangoswyr.[2]
 | |
 | |
| Enghraifft o'r canlynol | book fair, digwyddiad blynyddol  |
|---|---|
| Dechrau/Sefydlu | 18 Medi 1949 |
| Lleoliad | Messe Frankfurt |
 | |
| Enw brodorol | Frankfurter Buchmesse |
| Rhanbarth | Frankfurt am Main |
| Gwefan | https://www.book-fair.com/, https://www.buchmesse.de/ |
 Ffeiliau perthnasol ar Gomin Wicimedia | |
Hanes golygu
Mae’r ffair lyfrau wedi’i chynnal yn Frankfurt ers tua 500 mlynedd, pan ddyfeisiodd Johannes Gutenberg y wasg argraffu yn ninas Mainz, yn agos iawn at Frankfurt. Ond roedd Gutenberg yn adeiladu ar draddodiad hŷn. Hyd yn oed cyn dyfodiad y wasg argraffu roedd ffair fasnach Frankfurt yn lle adnabyddus am werthu llyfrau llawysgrif (codecs) gynhared â'r 12g.[3]
Daeth y ffair yn brif bwynt marchnata llyfrau, ond hefyd yn ganolbwynt ar gyfer lledaenu testunau ysgrifenedig. Yn ystod y Dadeni, mynychwyd y ffair gan fasnachwyr yn profi'r farchnad am lyfrau newydd a chan ysgolheigion a oedd yn chwilio am ysgoloriaeth newydd.[4]
Hyd at ddiwedd yr 17g, Ffair Lyfrau Frankfurt oedd y ffair lyfrau bwysicaf yn Ewrop. Cafodd ei oddiweddyd yn 1632 gan Ffair Lyfrau Leipzig yn ystod y Goleuedigaeth o ganlyniad i ddatblygiadau gwleidyddol a diwylliannol.[5]
Ar ôl yr Ail Ryfel Byd, yn Eglwys Sant Paul y cyfarfu tua 200 o lyfrwerthwyr yr Almaen i adnewyddu eu busnes yn 1949.
Trefn golygu
Yn gyntaf oll, trafod hawlfreintiau a dod o hyd i'ch hun "mewn teulu da" bob blwyddyn y cynhelir y ffair lyfrau yn Frankfurt. Y tri diwrnod cyntaf (Dydd Mercher i Ddydd Gwener) mae'r ffair yn hygyrch i ymwelwyr masnach yn unig, tra ar ddydd Sadwrn a dydd Sul mae'n hygyrch i unrhyw un. Mae gan ddarllenwyr ddiddordeb mawr yn y ffair oherwydd mae papurau newydd mawr yr Almaen yn cyhoeddi cyfresi arbennig yn delio â newyddbethau'r tymor ym mhob maes cyhoeddi, gan gynnwys gwyddoniaeth. Mae mwy na 12,000 o newyddiadurwyr o tua chant o wledydd yn ysgrifennu am y ffair
Yn aml, cyhoeddir Gwobr Nobel am Lenyddiaeth yn ystod y ffair, gan wneud y digwyddiad yn bwysicach fyth, i’r cyhoedd ac i’r cyhoeddwr ei hun.
Cymru yn y Ffair Lyfrau golygu
Bydd cyhoeddwyr a sefydliadau Cymreig yn mynychu'r Ffair Lyfrau er blynyddoedd. Cafwyd presenoldeb yn 2018. Cafwyd cyfle i hyrwyddo gwaith nofelwyr megis Llwyd Owen, Manon Steffan Ros a'i nofel dyfodoliaeth, Llyfr Glas Nebo, Owen Sheers, Mihangel Morgan a mwy.[6] Yn 2020 bu stondin a phresenoldeb gan Cyfnewidfa Lên Cymru lle arddangoswyd cyhoeddiadau o Gymru, y mwyafrif yn y Saesneg. Roedd rhain yn cynnwys nofelau, llyfrau hanes a llyfrau am chwedloniaeth a llên gwerin Cymru. [7]
Dadl golygu
Denodd ffair 2007 feirniadaeth gan y cyfryngau Sbaeneg ac Almaeneg. Disgrifiodd cylchgrawn newyddion Almaeneg Der Spiegel fel un "agos ei feddwl" oherwydd ei bolisi o beidio â chynnwys y Catalaniaid niferus sy'n ysgrifennu yn Sbaeneg yn ei ddiffiniad o lenyddiaeth Gatalaneg.[8] Er gwaethaf hyn, gwnaed y penderfyniad i eithrio unrhyw elfen o "Sbaeneg", a ddiffinnir fel llenyddiaeth a wneir yn Sbaeneg yn unig, o'r ffair. o'r ffaith bod llywodraeth Sbaen wedi cyfrannu mwy na €6 miliwn tuag at gost y ffair.[9]
Themâu golygu
Bob blwyddyn, ceir gwestai anrhydeddus, hynny yw bod y pwyslais ar lenyddiaeth o wlad neu ranbarth neu gymuned ieithyddol arbennig. Yn y gorffennol, beiriniadwyd Twrci a China am broblemau gyda rhyddid gwleidyddol a mynegiant yn y gwledydd hynny.
| Blwyddyn | Gwahoddiad Anrhydedd / Thema | Blwyddyn | Gwahoddiad Anrhydedd / Thema |
|---|---|---|---|
| 1976 | America Ladin | 2002 | Lithwania |
| 1978 | Llenyddiaeth plant a phobl ifainc | 2003 | Rwsia |
| 1980 | Affrica is-sahara | 2004 | Y Byd Arabaidd |
| 1982 | Crefydd | 2005 | De Corea |
| 1984 | George Orwell | 2006 | India |
| 1986 | India | 2007 | Gwledydd Catalanaidd |
| 1988 | Yr Eidal | 2008 | Twrci |
| 1989 | Ffrainc | 2009 | China |
| 1990 | Japan | 2010 | Yr Ariannin |
| 1991 | Sbaen | 2011 | Gwlad yr Iâ |
| 1992 | Mecsico | 2012 | Seland Newydd |
| 1993 | Fflandrys ea'r Iseldiroedd | 2013 | Brasil |
| 1994 | Brasil | 2014 | Y Ffindir |
| 1995 | Awstria | 2015 | Indonesia |
| 1996 | Iwerddon | 2016 | Fflandrys a'r Iseldiroedd |
| 1997 | Portiwgal | 2017 | Ffrainc |
| 1998 | Swistir | [2018 | Georgia |
| 1999 | Hwngari | 2019 | Norwy |
| 2000 | Gwlad Pwyl | 2021 | Canada |
| 2001 | Gwlad Groeg | 2022 | Sbaen |
| 2023 | Slofenia | 2024 | Yr Eidal |
Gweler hefyd golygu
Cyfeiriadau golygu
- ↑ "Dathlu blwyddyn o ymgyrch Cymru yn yr Almaen". Gwefan Llywodraeth Cymru. 20 Ionawr 2022.[dolen marw]
- ↑ Elm, Karina (December 4, 2018). "Meet the German Booksphere! Facts & Figures for Europe's largest book market". insights.netgalley.com. Cyrchwyd 10 January 2023.
- ↑ Weidhaas, Peter (2007). A History of the Frankfurt Book Fair. Translated and edited by Carolyn Gossage and W A. Wright. Toronto, Ontario: Dundurn Press. pp. 11, 23–24. ISBN 978-1-55002-744-0.
- ↑ Fried, Johannes (1996). Il mercante e la scienza: sul rapporto tra sapere ed economia nel Medioevo (yn Eidaleg). Milano: Vita e Pensiero.
- ↑ "The Frankfurt Book Fair – The World's Biggest, Oldest Book Event". The Balance. Cyrchwyd 2018-02-27.
- ↑ "Cyhoeddi Silff Lyfrau Hydref 2018 yn Ffair Lyfrau Frankfurt". Gwefan Llenyddiaeth Cymru. 10 Hydref 2018.
- ↑ "Cyfnewidfa Lên Cymru yn Ffair Lyfrau Frankfurt 2020". Gwefan Cyfnewidfa Lên Cymru. 2020.
- ↑ Knapp, Margit (2007-10-09). "A Controversial Homage to Catalonia: Commerce Replaces Politics at the Frankfurt Book Fair". Der Spiegel (yn Saesneg). ISSN 2195-1349. Cyrchwyd 2023-01-07.
- ↑ "Economía/Empresas.- Industria destinará 6 millones para promocionar el sector editorial de cara a la Feria de Frankfurt". europapress.es (yn Sbaeneg). Barcelona. Europa Press. 6 January 2006. Cyrchwyd 10 January 2023.
