Eisteddfod Genedlaethol Cymru Wrecsam a'r Fro 2011

Cynhaliwyd Eisteddfod Genedlaethol Cymru Wrecsam a'r Fro 2011 ar gyrion Wrecsam rhwng 30 Gorffennaf a 6 Awst 2011.

Eisteddfod Genedlaethol Cymru Wrecsam a'r Fro 2011

← Blaenorol	Nesaf →
Lleoliad	Fferm Bers Isaf, Y Bers, Wrecsam
Cynhaliwyd	30 Gorffennaf - 6 Awst 2011
Archdderwydd	T. James Jones
Daliwr y cleddyf	Robin o Fôn
Cadeirydd	Aled Roberts
Llywydd	Mair Carrington Roberts [1]
Nifer yr ymwelwyr	149,692 [2]
Enillydd y Goron	Geraint Lloyd Owen
Enillydd y Gadair	Rhys Iorwerth
Gwobr Daniel Owen	Daniel Davies
Gwobr Goffa David Ellis	Gwyn Morris
Gwobr Goffa Llwyd o’r Bryn	Esyllt Tudur
Gwobr Goffa Osborne Roberts	Meilir Jones
Gwobr Richard Burton	Garmon Rhys
Y Fedal Ryddiaith	Manon Rhys
Medal T.H. Parry-Williams	Sydney Davies
Dysgwr y Flwyddyn	Kay Holder
Tlws y Cerddor	Meirion Wynn Jones
Ysgoloriaeth W. Towyn Roberts	Trystan Llŷr Griffiths
Medal Aur am Gelfyddyd Gain	Bedwyr Williams
Medal Aur am Grefft a Dylunio	Peter Bodenham
Gwobr Ifor Davies	Bedwyr Williams
Gwobr Dewis y Bobl	Bedwyr Williams
Ysgoloriaeth yr Artist Ifanc	Osian Rhys Roberts
Medal Aur mewn Pensaernïaeth	Penseiri Ellis Williams
Ysgoloriaeth Pensaernïaeth	Rhys Nicholas
Medal Gwyddoniaeth a Thechnoleg	Neville Evans
Gwefan	eisteddfod.org.uk (archif)

Y Maes

Lleolwyd y maes ar dir Fferm Bers Isaf, yn y Bers ger Wrecsam.53.039827°N 3.0179368°W / 53.039827; -3.0179368 Roedd y maes carafanau yn agos at y prif faes. Campws Prifysgol Glyndŵr, Wrecsam, oedd lleoliad Maes B.

Prif gystadlaethau

Prif Gystadlaethau

Cystadleuaeth	Teitl y Darn	Ffugenw	Enw
Y Gadair	Clawdd Terfyn	"Penrhynnwr"	Rhys Iorwerth
Y Goron	Gwythiennau	"O'r Tir Du"	Geraint Lloyd Owen
Y Fedal Ryddiaith	Neb Ond Ni	"Sitting Bull"	Manon Rhys
Gwobr Goffa Daniel Owen	Tair Rheol Anhrefn	"Blod"	Daniel Davies
Tlws y Cerddor			Meirion Wynn Jones

Y Coroni

Enillydd y goron oedd Geraint Lloyd Owen o Bontnewydd, Caernarfon; roedd 36 wedi cystadlu a'r dasg oedd llunio dilyniant o gerddi di-gynghanedd heb fod dros 250 llinell ar y testun "Gwythiennau". Y tri beirniad oedd Gwyn Thomas, Alan Llwyd a Nesta Wyn Jones. Roedd Nesta Wyn Jones o blaid coroni "Delysg" ac roedd Alan Llwyd a Gwyn Thomas o blaid "Geraint", tri a oedd yn haeddu'r wobr, "O'r Tir Du", "Promethews" a "Fena Cafa".

Y Cadeirio

Enillwyd y gadair gan Rhys Iorwerth sydd yn dod o Gaerdydd erbyn hyn ond yn hanu o Gaernarfon. Mewn cystadleuaeth gref iawn, dyma'r tro cyntaf iddo gystadlu am y gadair. Rhoddwyd y gadair gan Gwmni Seren Arian a'r wobr ariannol o £750 gan gwmni Buddsoddiadau Pritchard Cymru.

Y tri beirniad oedd Emyr Lewis, Donald Evans a Gruffydd Aled williams.

Y Fedal Ryddiaith

Enillydd y Fedal Ryddiaith oedd Manon Rhys o Gaerdydd. Y tri beirniaid oedd: Grahame Davies, Hazel Walford Davies a Branwen Jarvis.

Tlws y Cerddor

Meirion Wynn Jones enillodd y tlws.

Gwobr Goffa Daniel Owen

Daniel Davies oedd enillydd y wobr, gyda chwech o lenorion yn cystadlu. Ysgrifennu nofel o dros 50,000 o eiriau, gyda llinyn stori cryf yn nadreddu drwyddi oedd y gamp. Roedd y wobr yn £5,000. Tair Rheol Anhrefn, oedd teitl y nofel, sef pedwaredd nofel Daniel Davies.

Cyngherddau

Y Tri Tenor Cymreig (Rhys Meirion, Aled Hall ac Alun Rhys-Jenkins) oedd yn perfformio yn y Cyngerdd Agoriadol. Rhyddhawyd eu halbwm cyntaf yn yr Eisteddfod hefyd. Ymhlith artistiaid eraill yr Ŵyl yr oedd Caryl Parry Jones, Huw Chiswell, Elin Fflur, Ysgol Glanaethwy ac Al Lewis Band

Maes B

Campws Prifysgol Glyndŵr, Wrecsam, oedd lleoliad Maes B. Y perfformwyr oedd Dau Cefn, Yucatan, Land of Bingo, Breichiau Hir, Y Niwl, Meic Stevens, Lleuwen a Gildas, Elin Fflur, Al Lewis Band, Yr Angen, Yr Ods, Y Bandana, Y Trydan, Plant Duw, Jen Jeniro, Sensegur, Acid Casuals a’u set DJ, Plyci, Crash.Disco!, Cloud4Mations, DJs Electroneg 1000, Cowbois Rhos Botwnnog, Gai Toms, Catrin Herbert, Sibrydion, Masters in France, Violas, Colorama, Huw M a Trwbador.

Gweler hefyd

• Eisteddfod Genedlaethol Cymru – hanes yr Eisteddfod Genedlaethol
• Eisteddfod Genedlaethol Cymru Wrecsam – achlysuron eraill pan gynhaliwyd yr Eisteddfod yn Wrecsam

Dolen allanol

• Gwefan Eisteddfod Genedlaethol Cymru Archifwyd 2012-07-16 yn y Peiriant Wayback