Sefydliad Wcráin

Sefydliad Wcráin
Enghraifft o'r canlynol	sefydliad diwylliannol, asiantaeth lywodraethol
Rhan o	Ministry of Foreign Affairs of Ukraine
Dechrau/Sefydlu	21 Mehefin 2017
Gweithwyr	35
Pencadlys	Kyiv
Enw brodorol	Український інститут
Rhanbarth	Kyiv
Gwefan	https://ui.org.ua/
	Ffeiliau perthnasol ar Gomin Wicimedia

Sefydliad cyhoeddus yw Український інститут, Ukrayinsʹkyy instytut (Cymraeg: Sefydliad Wcráin neu Sefydliad Wcráin) sy'n cynrychioli diwylliant Wcráin yn y byd ac sy'n ffurfio delwedd gadarnhaol o'r Wcráin dramor. Sefydlwyd y Sefydliad gan Gabinet Gweinidogion Wcráin yn 2017 ac mae'n gysylltiedig â Gweinyddiaeth Materion Tramor Wcráin. Dechreuodd ei weithgareddau yn llawn yn ystod haf 2018, ar ôl penodi Volodymyr Sheiko fel Cyfarwyddwr Cyffredinol yn dilyn gystadleuaeth agored, a chreu tîm o arbenigwyr.^[1]

Amcanion

Cynyddu gwelededd rhyngwladol a gwella dealltwriaeth o Wcráin ymhlith pobl o ddiwylliannau eraill

Hyrwyddo iaith a diwylliant Wcráin yn rhyngwladol
Cefnogi symudedd rhyngwladol a hwyluso cyfnewid proffesiynol, cefnogi prosiectau cydweithredu rhyngwladol yn y diwydiannau creadigol, diwylliant, addysg a gwyddoniaeth
Rhannu profiad Wcráin o ddatblygiad cymdeithas sifil, adeiladu gwladwriaeth, ymrwymiad i egwyddorion rhyddid, democratiaeth ac undod cenedlaethol^[2]

Blaenoriaethau'r Sefydliad

Logo wreiddiol Sefydliad Wcráin, 2019

Yn 2019, cynhaliodd y sefydliad 85 o brosiectau, gan gynnwys Gŵyl Cerddoriaeth Gyfoes Wcráin yn Efrog Newydd, Blwyddyn Diwylliant Awstria-Wcráin 2019, cyflwyniadau tywysyddion sain Wcreineg mewn amgueddfeydd ledled y byd, cyngherddau, digwyddiadau rhwydweithio, ac ati.^[3]

Ffurfiwyd blaenoriaethau gweithgaredd Sefydliad Wcráin yn seiliedig ar:

Dwy sesiwn strategol fewnol ym mis Awst-Medi 2018;
Sesiwn strategol gyhoeddus y Sefydliad ar Hydref 18, 2018;
Sesiwn strategol ar ddiplomyddiaeth ddiwylliannol ar y cyd â Chronfa Ddiwylliannol Wcráin;
Ymgynghoriadau ag 80 o arbenigwyr a gweithwyr proffesiynol yn y sector mewn diwylliant, diwydiannau creadigol ac addysg ym mis Awst-Rhagfyr 2018;
Ymgynghori ag arweinwyr tîm a rheolwyr rhaglen y Cyngor Prydeinig, y Goethe-Institut, y Česká centra, y Instytut Polski, Instytut Adama Mickiewicza, a Sefydliad Diwylliannol Lithwania;
Cyfarfodydd gwaith gyda phenaethiaid sefydliadau diwylliannol ac addysgol tramor yn Sbaen, yr Almaen, y Weriniaeth Tsiec, a Gwlad Pwyl.

Mae blaenoriaethau gweithgaredd rhaglen Sefydliad Wcráin fel a ganlyn:

Cyflwyno diwylliant Wcreineg dramor;
Cyfranogiad Wcráin yn nigwyddiadau diwylliannol, addysgol a gwyddonol allweddol y byd;
Cyfnewidfeydd rhyngwladol a symudedd;
Prosiectau hyrwyddo;
Cefnogaeth i Astudiaethau Wcreineg;
Addysgu a hyrwyddo'r iaith Wcreineg dramor;
Llwyfan ymchwil.^[4]

Sefydliadau tebyg

Mae Sefydlaid Wcráin yn debyg i sawl sefydliad gan genedl wladwriaethau eraill er mwyn hyrwyddo diwylliant, iaith a buddion eu gwledydd. Y Basgwyr (gydag Etxepare Euskal Institutua) a'r Catalaniaid (gyda Institut Ramon Llull) yw'r unig ddwy genedl ddi-wladwriaeth sydd â sefydliad mor soffistigedig a strategol. Hyd yma, nid yw Cymru wedi gweld yn dda i sefydlu asiantaeth debyg.

Asiantaethau golygu Goethe-Institut, Yr Almaen Österreich Institut, Awstria Instituto Guimarães Rosa (cynt Centro Cultural Brasileiro), Brasil Sefydliad Confucius, Gweriniaeth Pobl Tsiena Instituto Caro y Cuervo, Colombia Česká centra, Gweriniaeth Tsiec Dansk Kulturinstitut, Denmarc British Council, Deyrnas Unedig European Union National Institutes for Culture, Undeb Ewropeaidd Alliance française, Ffrainc Institut français, Ffrainc Suomen kulttuuri- ja tiedeinstituutit, Ffindir Canolfan yr iaith Roeg, Gwlad Groeg Sefydliad Diwylliant Groeg, Gwlad Groeg Balassi Intézet, Hwngari (1927– ) Indian Council for Cultural Relations, India Culture Ireland, Iwerddon Istituto Italiano di Cultura, Yr Eidal Società Dante Alighieri, Yr Eidal EMMA for Peace, Yr Eidal	Eesti Instituut, Estonia Jewish Agency for Israel, Israel Sefydliad Japan, Japan Korean Friendship Association, Gogledd Corea Lietuvos kultūros institutas, Lithwania Sentro Rizal, Y Philipinau Instytut Adama Mickiewicza, Gwlad Pwyl Instytut Polski, Gwlad Pwyl Instituto Camões, Portiwgal Institutul Cultural Român, Rwmania Sefydliad Russkiy Mir, Rwsia Canolfan Diwylliannol Corea, De Corea Sefydliad Corea, De Corea Instituto Cervantes, Sbaen Svenska Institutet, Sweden Sefydliad Yunus Emre, Twrci Sefydliad Wcráin, Wcráin Bureau of Educational and Cultural Affairs, Unol Daleithiau Institut Ramon Llull - Tiroedd Catalaneg Etxepare Euskal Institutua - Gwlad y Basg