Cnwch Coch

Pentref bychan gwledig yn sir Ceredigion yw'r Cnwch Coch (weithiau 'Cnwch-coch'). Fe'i lleolir yng ngogledd y sir tua 8-9 milltir i'r dwyrain o Aberystwyth.

Cnwch Coch
Hamlet of Cnwch Coch - geograph.org.uk - 51851.jpg
Mathpentrefan Edit this on Wikidata
Daearyddiaeth
SirCeredigion Edit this on Wikidata
GwladBaner Cymru Cymru
Cyfesurynnau52.357651°N 3.946239°W Edit this on Wikidata
Gwleidyddiaeth
AC/auElin Jones (Plaid Cymru)
AS/auBen Lake (Plaid Cymru)
Cnwch Coch.

Gorwedd y Cnwch Coch ym mhlwyf eglwysig Llanfihangel-y-Creuddyn, tua hanner ffordd rhwng pentref Llanfihangel, i'r gogledd, a'r Trawscoed i'r de. Mae'n rhan o gymuned Trawsgoed.

Ceir eglwys yn y pentref. Tardda ffrwd Afon Magwr ger y Cnwch Coch, gan lifo wedyn dros gwrs byr i ymuno ag Afon Ystwyth ger Abermagwr.

Ystyr y gair cnwch yw "chwydd, crwmp"[1] (sef codiad tir yn yr achos yma): mae'n elfen gyffredin mewn enwau lleoedd yng ngogledd Ceredigion ond prin yw'r enghreifftiau y tu allan i'r ardal honno.

Cynrychiolir yr ardal hon yn Senedd Cymru gan Elin Jones (Plaid Cymru)[2] ac yn Senedd y DU gan Ben Lake (Plaid Cymru).[3]

CyfeiriadauGolygu


  Eginyn erthygl sydd uchod am Geredigion. Gallwch helpu Wicipedia drwy ychwanegu ato.