Edward Maelor

bardd

Bardd a chrythor oedd Edward Maelor (bl. tua 1586 - 1620), un o'r olaf o Feirdd yr Uchelwyr. Roedd y beirdd Huw Ceiriog a Wiliam Llŷn yn ei adnabod.

Edward Maelor
Ganwyd16 g Edit this on Wikidata
DinasyddiaethBaner Cymru Cymru
Galwedigaethbardd Edit this on Wikidata
Blodeuodd1580 Edit this on Wikidata

Brodor o'r Maelor yn yr hen Sir Ddinbych oedd Edward, o dref Wrecsam neu'r cylch, yn ôl pob tebyg. Roedd ei daid Edward Sirc yn fardd a phencerdd telyn y cofnodir iddo raddio yn Eisteddfod Caerwys 1523, y cyntaf o Eisteddfodau Caerwys. Medrai Edward Maelor olrhain ei ach yn ôl i'r tywysog Madog ap Maredudd, ŵyr Bleddyn ap Cynfyn (m. 1075), brenin Gwynedd a Phowys.

Mae 62 o gerddi Edward Maelor ar glawr, yn gywyddau ac englynion. Canodd gerddi mawl a marwnadau i noddwyr amlwg fel Syr Evan Lloyd o Iâl ac i David Powell o Riwabon a'i fab Samuel. Un o'i gerddi mwyaf nodedig efallai yw ei farwnad i'w gyd-fardd Siôn Tudur (m. 1602).

Roedd Edward Maelor yn un o'r beirdd a hoffai gymryd rhan mewn ymryson barddol. Cedwir cerddi ymryson rhyngddo a William Midleton (Gwilym Ganoldref) a Morys Powel.

Un nodwedd ar ei ganu yw'r cyfeiriadau aml at y trai yn nawdd y beirdd yn y cyfnod hwnnw wrth i hen deuluoedd ymseisnigeiddio neu ddarfod. Awgrymir hefyd ei fod yn Babydd.

LlyfryddiaethGolygu

  • Huw Ceiriog Jones (gol.), Gwaith Huw Ceiriog ac Edward Maelor (Caerdydd, 1990)