Siôn Brwynog

bardd

Bardd llys Cymraeg o Ynys Môn oedd Siôn Brwynog (15101562). Roedd yn frodor o drefgordd Llanfflewin ym mhlwyf Llanrhuddlad. Roedd y cerddor, bardd a hynafiaethydd Robert ap Huw (1580-1665) o blwyf Llanddeusant, Môn, yn ŵyr iddo.

Siôn Brwynog
Ganwyd1510 Edit this on Wikidata
Bu farw1562 Edit this on Wikidata
DinasyddiaethBaner Cymru Cymru
Galwedigaethbardd Edit this on Wikidata

Bywyd a gwaithGolygu

Cedwir ar glawr sawl cerdd ganddo i uchelwyr ymhob cwr o ogledd Cymru, yn cynnwys teulu plas Bodychen ym Môn.[1] Canu mawl traddodiadol yw trwch ei gerddi. Yng nghyfnod y Diwygiad Protestannaidd amlygodd ei sêl dros "yr Hen Ffydd" trwy ymosod ar y Brotestaniaeth newydd a cheir cywydd ganddo 'I'r Ddwy Ffydd' sy'n dychanu Protestaniaeth ac yn clodfori Catholigiaeth.[2]

Ceir tystiolaeth nad oedd pob bardd llys yn derbyn fod crych a llyfn yn un o feiau gwaharddedig Cerdd Dafod. Yn ei gopi o ramadeg y beirdd mae Siôn Brwynog yn dadlau "nad oedd ef yn fai, ac y gellid ei ganu a'i warantu yn ddifai".[3]

Bu farw yn 1562. Canodd Wiliam Llŷn farwnad iddo.[4]

LlyfryddiaethGolygu

Ceir testunau rhai o gerddi Siôn Brwynog yn Llawysgrifau Llansteffan.

CyfeiriadauGolygu

  1. Enid Roberts, Tai Uchelwyr y Beirdd 1350-1650 (Cyhoeddiadau Barddas, 1986), tud. 44.
  2. Meic Stephens (gol.), Cydymaith i Lenyddiaeth Cymru.
  3. Dafydd Johnston (gol.), Gwaith Lewys Glyn Cothi (Gwasg Prifysgol Cymru, 1995), rhagymadrodd, tud. xxxiv.
  4. Barddoniaeth Wiliam Llŷn a'i eirlyfr, gyda nodiadau gan y Parch. J. C. Morrice (Bangor: Jarvis a Foster, 1908).



  Eginyn erthygl sydd uchod am lenor neu awdur Cymreig. Gallwch helpu Wicipedia drwy ychwanegu ato.